又到中秋. 你會諗起什麼呢?
是人? 是物? 是回億?
回憶, 不會缺少人; 有人, 亦不會無物襯托.
中秋, 是一幅畫面.
是圍枱共聚; 一家團聚; 花好月圓的日子.
花好, 因為天涼好固秋. 月圓, 因為天清氣朗, 更顯明月皎潔, 圓大.
月餅, 當然好有代表性. 中秋, 不可或缺的主角. 亦是有錢象徵. 以前有小調, 孩童隨口噏.....'有錢人家食月餅, 無錢人家食芋頭'.
然而, 芋仔(芋頭), 却可與月餅分庭抗禮 . 因為是南北兩極. 都係咁好食. 只是礙於錢, 是分水線. 月餅要有多餘錢才可享用.
不起眼的芋仔, 在街市成行成市. 已叫人知道, 中秋在望了.
雖則現今, 生果蔬菜, 已無時令分野. 一年四季都吃到.
但芋仔, 可能唔值錢, 又沒趕上什麼潮流. 都只有乖乖的隨時令報到.
見到芋仔, 想到中秋. 想起中秋, 不免勾起閒愁...棄我去者, 往日之日不可留!
