為食: 金翡翠

紐西蘭生活指數高. 以食飯盒或碟頭飯為例, 午餐閒閒地NZ$10-NZ15. 就算近日紐元偏弱六算計. 都好重皮. 

不過, 佢地嘅碟頭又好大. 如三人食, 二碟可夠. 但出得街食, 點會唔試多兩味.

所以飲茶, 食晚飯, 人人都吃不完, 打包走.

臨別秋波, 請Winnie & Angela 選喜愛嘅地方食晚飯. 山長水遠, 成45分鐘車, 佢地揀左在 Epsom 嘅金翡翠. 皆因亞女中意那裡的糖醋骨.

又真係好吃. 三個人, 三碟, 加上送嘅例湯, 點可能一次搞掂 ;) 打包四盒走. 真搞笑.

大厨炒飯, 正. 其實即海鮮加腰果,仲有帶子同蝦

糖醋骨

奶油蝦, 我中意佢伴碟嘅咸蛋碎

仲夠食多兩餐 ;)