東龍島

久違了的東龍島 !





真係少行呢條線, 咁就無乜機會用呢個碼頭. 仲以為西灣河去東龍島只此一家. 上錯, 才知有兩家. 

搞到我們無那那浪費時間與金錢. 本約朋友坐10.30時船到東龍島集合. 現在要先去三家村(船費$9), 再坐11:00時船去東龍($45來回). 順便一提, 三家村去東龍, 單程又係$45, 來回又是$45. 咁誰買單程呀. 但係回程上船一樣要查票, 無票又要買. 

搵日八定另一家地點...街渡? 但又可能好久之後才再去 ;)

差不多包船. 只我們兩人及另一搭客.
我倆不上, 那不成一人尊船 ?

今日話吹西風喎. 加之作打風, 所以有霧迷, 視野不清. 雖然曬, 籃天白雲欠奉!

香港東區

我心儀的遊艇! 識佢幾年, 仲係咁型.
希望有機會, 唔擁有都可上去參觀吓先:)

碼頭旁的漁排
(東龍有兩碼頭, 另一個可能街渡用, 近炮台些)

又見假蘋婆

憂鬱的小狗

雞乸山, 遠看似熊人頭

石灘

有人說是山之子, 我印象係艷山姜. 查吓先

遺跡

看海; 令人心胸開朗 :)

上次來, 驚濤拍岸. 今日可能吹西風, 風平浪靜

燈塔對住小破邊洲

小破邊洲

朋友選的士多, 可望到碼頭.
不是我們坐那艘. 我們的碼頭要行遠些 !

都似憂鬱小犬. 但應不憂鬱啦. 有主人帶去郊遊
說起來, 我們那士多好多人帶狗來. 所以下午燒烤時, 狗與人轉不停. 因為玩完沙要沖身.

係吖, 朋友搞燒烤, 大熱天, 幾係....不過好方便, 就在士多. 要飲野, 即到. 又有水洗手.

幸好起完爐, 天氣已轉. 因為轉陰天雲厚...  風起.

咁又沒那預期的熱啦. 老天關照 ;)

行完山, 來個冰涼西瓜. 舒服無比.
 辛苦哂帶來的朋友, 感激!

扮去度假

豐富的食物, 又一次多謝朋友抬來

帳篷處是我們的燒烤位, 落幾級就到沙灘.
個營係留宿過夜的朋友放定先 :)

水波粼粼

魚仔幾有情趣

歸程, 尾班五時

寧靜致遠

洪聖宮

私人遊艇, 都排住隊回程啦.
天氣驟變. 元朗上水好似落雹

三家村在望

補料: 真係在嘉享灣巴士總站海旁, 在筲箕灣方向. 就是週未去東龍島船的碼頭(平日只係幾級上落位, 說不上是碼頭).