下白泥的黃昏

講左好耐去下白泥欣賞黃昏, 影日落. 無奈! 都要好多方面夾, 例如天氣, 同行的時間等等. 

今次因緣際會, 跟Elaine 的攝影班去見識. 

西鐡元朗站, 轉乘33號專線小巴去下白泥.

大鄉里吖, 我 😊  原來現在小巴有34人位咁大. 我唔知啊. 不過, 咁大架小巴又不是班班出動. 據說要看情況. Peak hour  人多才出動.

幸好我隊都33人, 上多個. 滿座. 司機問明中途有無人落. 無! 走高速, 直達. 正.

到總站, 原來附近有個法定古蹟, 仲係近代. 順便逛遊. 一間屋咁大把, 內裡黑漆漆, 什麼也看不清. 而且接近下班時間. 咪阻地球轉. 大家匆匆打個圈就走. 隨即關門.

有排日未落. 所以我隊才坐到小巴總站.  順便行吓古蹟及郊野. 不然早些下車, 免走回頭. 

天青, 一片藍

山的輪廓清晰

雖然到站前一段路, 好多果樹. 如龍眼, 黃皮
但都是乾乾細細的. 難得見呢棵, 亮晶晶.
眼看手勿動啊 😉

今日農曆十六, 潮退. 多人尋尋覓覓....蜆 !

差不多六時. 是時候走回沙灘捕景.  

我拍的是小兒科, 架生同主人功夫都係 😆

但是, 有備而來的. 大多重型裝備. 包括拍 time lapse !