坪州, 小島遊

久違啦, 坪州.

多少年呢? 不復記. 自從好友 Amy 搬離在此的舊居. 好似未再踏足. 

今次 Cat 提議行, 我仲問有乜睇. 因為印象中無也景點. 原來佢只口嗡嗡, 無料到. 所以只有急急網上搜查. 都有點行吓嘅..... 天后宮, 手指山.  旅發局都有介紹. 不過, 兩個鍾行哂有餘啦.
是日也, 陰霾籠罩(超強颱風已襲台灣, 這裡只是熱算好彩). 對岸都看不清. 熱到暈. 後來聽說有37度高溫.

也罷. 反正亦無預行很久. 不會如旅發局介紹, 等看日落啦. 咁既天氣!  

天后宮

番荔枝

好熱, 好曬的一天

山雖矮, 石級都幾係架 ;)

鳳萍亭

小山岡上的偶遇, 把我們以為短短的行程, 玩足一日. 事緣在此偶遇兩位女士, 話到此是參加海事博物館的導賞遊, 免費的. 但要報名. 

這小島我們不知有何特別. 所以好有興趣參與. 奈何沒報名. 所以特意在集合地點恭候查詢. 雖然不接受現場報名, 但又不反對我們做'塘邊鶴'喎. They were so very nice :)

榕樹頭, 龍門陣 ....................已漸失的風景

州仔橋

現在開始跟導遊啦. 

東灣

風水之一, 背山面海, 加之向海尤如一張椅, 有倚靠

龍母廟, 源自東涌

舊日的足跡. 此是已杀的學校, 因缺乏學生. 80年代已停. 現是三級保護文物. 掉空至今, 只因有業權問題, 又因缺錢.....

原來, 曾幾何時. 這裡有牛皮工業. 此為舊廠址. 舊日痕跡未盡消.

前面有人居

後面殘址仍可見. 據說又係業權......

公屋? 居屋? 

轉個彎, 又係另一個消失了的工業.....火柴廠. 曾經顯赫, 運銷中國及東南亞. 亦是空餘廢墟. 聞說業主已離港, 又係業權. 讓物業蔓生荒草. 真係有人咁富貴 ? !

七姐廟

踏過州仔橋, 上'大利島'. 大利島現作處理垃圾

帶我們上'大利島'不是看垃圾. 是去看此處的另一已煙沒滅工業 '灰窰' 的原材料.......

好有緻的樹, 好美麗的小徑

就是這些貝殼等東西, 提供大量原料成就一代 '灰窑' 工業.

行完'大利島'. 謝過領隊與導賞員, 我們轉入坪愉徑回復自由行啦.

'坪愉徑', 旅發局網站都有介紹. 風景更勝'手指山'. 

毒果, '海芒果'  切不可吃

可惜天氣真太熱. 加之我們沒準備, 不夠水. 而且同行有過累. 半途要回程. 留待下次與未能同遊的朋友再來.

回到大街近黃昏. 五時多. 以為去'快車' 吃個 early dinner. 點知枱已訂滿. 行多幾步, 另一餐廳, 亦不賴. 可惜忘記佢大號.

福建豆腐....正, 其他亦不差. 平!! 另四冷飲, 兩白飯, $240+

飯後海濱漫步. 小島樂閒悠.

白天陰霾重重, 豈料黃昏仍有風景.

人生, 珍惜當下. 
美景, 源自心中. 
感恩!