塔門

上次三島連遊, 加之下雨, 沒有認真地探過塔門. 但驚鴻一瞥, 已被島上那綠油油的草地深深吸引. 同自己話過要重臨.

對自己更加不可食言. 所以今次 Elain 提議自由行去塔門逛逛, 二話不說, 即刻響應.

是日也, 天色極好, 陽光伴我們起行. 鑽石山站集合, 坐假日特別專線, 直奔黃石碼頭.

雖然話直通到目的地的巴士, 免了轉接交通的煩惱, 但原來都要坐不短時間, 約1.15小時. 還好, 西貢之後的路風光如畫.

乘10:45街渡由黃石去塔門



魚排



未上岸已美景無限



碼頭水清

因為到塔門已11:30, 為免行行吓才張羅食東西, 加之大家都有點肚空, 先祭肚去也.

塔門只一小島, 在假日才遊人多, 所以食肆少. 我們就近碼頭食個簡單午餐. 又出奇好食噃, 尤其個麵. 但最最最正嘅竟然系佢地嘅冰凍奶茶, 回味至今.

上左碼頭, 我們取道右手邊, 跟隨識途老馬, Max,  帶備的指路明燈行, 先去搵'呂字疊石'.

碼頭右手邊出發

此路上教堂. 不過今日重門深鎖

見疊石路牌, 隨人向前

可能因為有台風臨近關係, 這邊風浪滔滔.

沿岸的小路, 美麗有緻. 是看海, 看浪, 看雲的好地方. 今日藍天白雲, 風景怡人, 心情開朗.

呢個叫'假波羅', 亦即'蘆兜樹'

小心佢D葉, 有剌. 但亦係包蘆兜糉用

嘩, '呂字疊石'見到啦

遠望
'南蛇尖'

坐看風雲起

露營勝地

秋水共長天一色, 但今日熱到融

近看疊石



長路漫漫

地上長滿蘆草

三人行

水清

就系這片綠油油的草地, 叫我重臨塔門. 今次更要登臨絕頂, 縱覽全景.

上到山頂啦



有咁長嘅石級爬上, 就有咁長落返去



看不厭的美景

落山, 經過'天后廟'



回程, 近看'南蛇尖'



又到黃石

黃昏, 回家豈獨人郡

今日雖然熱到融, 但風景亦靓到震. 無悔今日行.

乘巴士出西貢市區, 跟 Elaine 去搵食, 泰國嘢, 好味. 不過今日超熱, 又累, 無乜胃口, 三人晚餐都只如小吃.

咖哩雞麵包, 好食.