長州, 三個好友快活遊

今日超開心, 因為以為告吹沒伴同遊嘅週日, 峰迴路轉, 竟然有好友同行. 最難得嘅系, 預報落雨的天氣, 我地大無畏, 諗住風雨同路, 不要瞻前顧後, 竟又得上天绻顧, 只在起步時下過雨, 直至黃昏, 我地晚飯, 才大大地下起雨來.

延續上次未竟的長州行, 先由北帝廟旁小路, 向北眺亭進發.

`

行過羊腸山路小徑, 經過長利公園



抵達北眺亭前雅致小休亭



見到北眺亭啦

嘩, 雖然落住雨, 又大風, 都可拍下這美麗小灣

條路修得好靓, 多謝規劃同建設此路的人
遠處就是'情越海岸線'個亭啦

如果有太陽, 呢個灣應該更美. 不過落住雨都俾我拍到如此照, 唔苛求啦.

望返去北眺亭, 都幾長石級架

嘻嘻, 走了這許長石級, 到此唞唞兼唏戲, 扮野'情越海岸線'

往前行, 前路好似靈龜探海.........'北角咀'

路雖灣又灣, 但鋪得靓吖
之前在北眺亭下望個灣, 有個沙灘....東灣仔

在不同角度再拍個灣, 今次在沙灘

離開沙灘, 又要撐返上山, 經越密林, 有些似探險, 上完山, 又要落, 經長北路, 出返碼頭搵食.

返到碼頭附近覓食, 無理由咁早食海鮮, 更無理由入長州飲茶架. 行行重行行, 先來個甜品祭肚......芒果糯米糍. 搞野, 唔系飯後甜品.

除左芒果糯米糍, 我地食左湯河. 點知行吓行吓, 又食咖哩魚旦, 紅豆餅. 個午餐飽得很. 可撐我地繼續行.



乒乓波炸魚旦, 紅豆餅, 芒果糯米糍

紅豆餅仲要排隊買

跟住行去東灣, 尋覓石刻, 同小長城.

遊人熟識嘅東灣海灘

這就是被玻璃罩住保護嘅石刻.

沿途去觀音灣的餐廳, 招牌又幾雅致

未知是否培訓風之后的基地呢?

向小長城進發

都要爬石級架



居高臨下, 眺望東灣海灘

花瓶石



條路至此, 才有小小長城感覺, 其實我覺北眺亭個邊似長城多點

此觀景台近海, 可近距離看'饅頭石'



饅頭石

本來我地一心去睇哂所有嘅石景. 點知在'花瓶石'處遇到攔路狗, 嚇得我們回頭走. 只有去另一邊, 獨有'饅頭石'. 其他, 留待將來有緣再探. 

行完小長城, 返長州大街走走, 跟住開餐去也. 今日假期, 唔早食就要等位等餐飽. 所以近六時開餐. 點會唔系海鮮吖. 在海旁大街. 抵食! 三人四餸, 盛惠$230.

愉快的一天. 長州再見.